Mga pamalay nga yara sa lote sang Panay Railways nga patindugan sang mas dako nga Iloilo Freedom Grandstand, nakabaton na sang notisya

Iloilo City — (UPDATE)  Nakabaton na sang notisya agud maghalin ang mga pamalay sa lote sang Panay Railways nga patindugan sang mas daku kag masangkad nga Iloilo Freedom Grandstand.

Suno sa mga residente, makaduha ka beses na sila nga ginpadal-an sang notice to vacate ni Engr. Robert Dumanil sang Task Force ASIS.

Pero nagaproblema pa ang mga ini bangud wala pa sang gintigana nga relocation ang ICUPAO para sa ila.

Gin-aprubahan sang city council ang resolution nga nagahatag otoridad kay Mayor Jed Patrick Mabilog nga magpirma sang Memorandum of Understanding sa tunga sang Bureau of Customs kag Tourism Infrastructure and Enterprise Zone Authority (TIEZA) para sa restoration sang Sunburst Park sa likod sang freedom grandstand.

Una na ginpabutyag ni Councilor Ed Peñaredondo nga i-demolish ang freedom grandstand agud hatagan sang ligwa ang pagpalapad kag pagpatahum sang Sunburst Park. (JoMaque)