Driver sang Mini truck, patay matapos Nakabunggo sa Ref van!

Pavia, Iloilo — Patay ang driver sang mini truck samtang na-ospital ang driver kag pahinante sang ref van matapos nagbunggu-anay sa pandac pavia kagab-i.

Suno kay PO3 Jobert Casabuena sang Pavia police station, ginkilala ang napatay kay Victor Gentapanan sang Compania, Molo nga may pilas sa ulo.

Masobra isa ka oras antes nakuha ang lawas ni Gentapanan bangud naipit sa driver’s seat nga wasak gid sa impact sang pagbunggu-anay nila sang ref van.

Gindala pa sa Western Visayas Medical Center si Gentapanan pero gindeklarar nga dead-on-arrival.

Padayon man nga ginabulong sa pareho nga ospital si Leonardo Langga, ang driver sang ref van sang Water Dragon Ice Plant nga may pilas sa ulo kag J Kenneth Calimutan, 23 anyos nga helper nga nagreklamo sang pagsakit sang abaga. (JoMaque)