Duha ka Classrooms sang Jaro 1 Elem. School, Nasunog!

Iloilo City — Duha ka classrooms sang Jaro 1 Elementary School sa Cuartero Jaro ang naupos sa sunog kaina sang kaagahon.

Suno kay security guard Midel Pagaygay, pasado alas-3 sang kaagahon natabu ang sunog.

Nagsugod suno sa iya ang kalayo sa kisame sang classroom ni Ma’am Maria Teresa Jandongan nga Grade 1 teacher.

Ginpahayag ni Pagaygay nga wala niya nahingagaw nga masalbar ang mga gamit sa sulod sang duha ka classrooms bangud may kandado kag wala siya sang liyabe.

Nasunog man ang kisame sang kaingud nga structure sang duha ka classrooms.

Ginabanta sa P300,000 sos ang kahalitan sang sunog sa duha ka classrooms sang jaro 1 elementary school kaina sang kaagahon.

Suno kay Fire Officer 2 mMcoco sang Bureau of Fire Protection, nagapadayon ang ila imbestigasyon kag pagpangita sang mga testigo.

Pero sa inisyal nga imbestigasyon, naghalin ang kalayo sa kisame pero gina-check pa kon naghalin sa linya sang kuryente.

Duha ka classrooms ang naupos gid sa sunog kag partially-damaged man ang kaingud nga structure. (JoMaque)