Mga Hepe sang Pila ka Police Stations sa Probinsya, Ilisan sa Masunod nga Bulan
Iloilo–Mapatuman sang change of leadership sa mga municipal police stations ang Iloilo Police Provincial Office sa masunod nga bulan.
Suno kay IPPO Spokesman PCINSP Aron Palomo, may anum ka mga rason kun ngaa may pagbag-o sa liderato sang mga police stations sa kabanwahanan. Ginalakipan ini sang retirement sang pila ka chiefs-of-police, overstaying, bag-o nga assignment, rank requirement, schooling kag pagkonsiderar sa request sang mga bag-o nga alkalde.
Posible nga mag-epekto sa una nga semana sang Hulyo ang change of leadership. Ginalauman naman ni IPPO Director PSSUPT Roderick Augustus Alba ang letter request sang pila ka alkalde sa banwa nga magarekomendar sang luyag nila nga hepe.
Pito tubtub 10 ka mga banwa ang ma-apektuhan sang change of leadership suno kay Palomo. (Aine Grace Bravo)