1 patay, 1 pilason sa pagpangbuno sa Guimaras

Guimaras–Isa ang patay kag ang isa ang pilason sa pagpangbuno sa Guimaras.

Napatay si Eduardo Gagante, 35, sang Poblacion, Jordan bangud sang anum ka pilas sa likod samtang napilasan naman sa dughan si Leo Gallentes, 37, sang amo man nga lugar. Natabu ang krimen kaina sang kaagahon.

Pauli ang mga biktima halin sa Barangay Balabag, Jordan sang ginbanggaan sang apat ka mga suspetsado kag ginpangbuno. Nadakpan ang mag-utod nga Marjun kag Marlon Amor nga naka-upod sang nagpamuno.

Ginatudlo naman nga nagpangamot sa pagbuno sa mga biktima si Alexander Malcon Jr. Upod man sini sang natabu ang krimen ang iya amay nga si Alexander Malcon. At-large ang mag-amay.

Ginpahayag nga naka-away sang mga suspetsado ang himata sang mga biktima. (AGB)

Archives, News, SlideshowGallery

Related posts

Leave a Comment