10 ka Barangay sa Syudad nga Madamo ang Kaso sang Dengue, Ginpa-asohan sang City Health Officials
Iloilo City–10 ka mga barangay nga may pinakamadamo nga kaso sang dengue ang ginpa-asuhan sang mga City Health officials kaina.
Ginalakipan ini sang MV Hechanova, Balabago, Sambag, Quintin Salas kag MH Del Pilar sa Jaro; Bakhaw, Bolilao kag Guzman-Jesena sa Mandurriao; Jereos sa Lapaz kag Calaparan sa Arevalo. Nagalaum si Dr. Mae Delmo sang City Health Office nga mahagan-hagan na ang paglapta sang mga lamok nga nagadala sang dengue.
Sa record sang City Health Office, 80% ang ginsaka sa kaso sang dengue sa syudad halin Enero tubtob Agosto kag may tatlo na nga patay. (AGB)