15-anyos nga babaye sa LaPaz, ginhablot sang lalaki kag ginpuwersa nga pasakyon sa SUV

Iloilo City — Nakapalagyo sa wala makilala nga lalaki ang 15-anyos nga babaye sang ginhablot kag tuyo nga pasakyon sa sports utility vehicle ukon SUV. Ginsaysay sang amay sang dalagita nga nagabantay sang salakyan ang iya bata sa atubang sang simbahan sa LaPaz plaza san hinali lang nga nagdulog ang salakyan kag nagpanaog ang driver nga nagpalapit sa iya bata. Suno sa amay nga si alyas Boyet, gin-uyatan sa abaga kag butkon ang iya bata sang wala makilala nga lalaki kag ginpuwersa nga pasakyon sa SUV apang nasipa ini sang dalagita sa kinatawo. Nagdalagan ang teenager sa sulod sang LaPaz plaza kag nagpangayo sang bulig sa iya amay apang wala na naabtan ang lalaki nga sakay sa SUV. (JoMaque)

Archives, Gallery, News, SlideshowGallery

Related posts

Leave a Comment