17-anyos nga lalaki, ginkastigo sang ginatudlo mga mga kaupod niya sa gang

Iloilo City–Ginkastigo sang mga kaupod niya sa roll-up gang ang 17 anyos nga lalaki bangud sa pagbaligya sang cellphone nga iya ginhulam.

Ginpahayag nga ginkuha ni Nico sang San Rafael, Mandurriao ang cellphone sang upod sini sa grupo kag ginbaligya sa manubo nga presyo rason nga ginkastigo. Ginpahayag ni San Rafael, Mandurriao Punong Barangay Azucena Tabuyoc nga ulubrahon ni Nico ang manghulam sang cellphone sang iban kag ipalagyo kag ibaligya para may ibakal ini sang pagkaun.

Bisan ang apo nga PWD ukon person with disability sang punong barangay ang nabiktima man ni Nico.

Ginpahayag nga ginkuha man sini ang 46 mil pesos nga kuwarta sang iya amay sadto.

Ang ginikanan ni Nico ang pareho nga nagatrabaho sa abroad. Si Nico ang kamagulangan sa ila nga mag-ulutod. Ang mga manghod sini gina-atipan sang paryente sang ila amay samtang si Nico wala sang permanente nga ilistaran. (AGB)