20 ka estudyante sa Banate National High School, ginpahayag nga na-possess

Banate, Iloilo–Ginabanta 20 ka mga estudyante sang Banate National High School ang ginpahayag nga na-possess kaina sang aga.

Suno kay Arnel Villanueva, head sang Values Education Department sang eskuwelahan, gulpi lang nagwaras kag naglain ang pamatyag sang mga estudyante sa Grade 8, Grade 10 kag Grade 11. Nagtawag ang school authorities sang pastor kag pari agud nga mabulong ang mga estudyante. Ginsuspender ang klase kag ginpapuli ang mga estudyante.

Suno kay alyas Joy, may nakita siya nga mga babaye nga nakasuksok sang itom nga bestida kag malaba ang buhok pagkatapos nila pangadi antes ang klase kaina sang aga. Ginpahayag ni Joy nga gusto sang mga babaye nga ibalik sa ila ang duha ka classrooms nga ginpabakbak agud patindugan sang senior high building.

Daw indi magpati si Father Edgar Palmos sang Banate Parish Church nga napossess ang mga estudyante. Suno kay Palmos, mahimo nga psychological effect ang natabu sa mga estudyante. Ginlaygayan ni Palmos ang mga estudyante nga magpangadi kag pangamuyuanĀ  man ang mga espiritu sa palibot.

Samtang bilang intervention suno kay Glenn PeƱaredondo, principal sang Banate National High School, may himuon nga misa sa eskwelahan kada bulan, may pangamuyo antes magsugod ang mga klase kag may spiritual counseling sa mga estudyante. (AGB)

Archives, News, SlideshowGallery

Related posts

Leave a Comment