23-anyos nga Lalaki, patay matapos ginbuno sa Arevalo!

23-anyos nga Lalaki,  patay matapos ginbuno sa Arevalo!

Arevalo, Iloilo — Patay ang 23-anyos nga lalaki sa Gawad Kalinga Sooc Arevalo matapos ginbuno makaligad ang 12 ka oras nga pag-confine sa Western Visayas Medical Center. crime scene tape

May pilas sa dughan ang biktima nga si Jay-R Abarde matapos ginbuno sang iya man lang kasilingan nga si Jommel Degabe, 28-anyos.

Natabu ang insidente kagab-i samtang nagalakat ang biktima halin sa ilimnan kag ginsugata sang suspek kag ginbuno.

Ini ang napatay pasado alas 11 kaina sang aga. Ginpahayag ni Senior Inspector Tranquilino Querubin, hepe sang Arevalo PNP nga parte sa kuryente ang gin-awayan sang biktima kag suspetsado.

Naakig suno kay Querubin si Degabe sang ginkakas ni Abarde ang kutryente nga nag-tap sa ila balay.

Ginpahayag nga wala naman nakabayad si Degabe kay Abarde kabangdanan gin-utdan sang koryente.  (JoMaque)

Archives, Gallery, News

Related posts

Leave a Comment