25 ka mga Foreign nationals nga Nadakpan sa Drugbust Operations sa Boracay, Ginpaidalum na sa Inquest proceedings

Boracay — (Update)  Ginsaylo sa Kalibo Aklan ang 25 ka foreign nationals nga ginalakipan sang 18 ka taiwanese kag 7 ka chinese agud i-inquest may kaangtanan sa drug bust operations sang kapulisan sa ila ginadayunan nga 3-storey building sa Boracay.

Suno kay Senior Inspector Jess Baylon, team leader sa operation, pasakaan sang kaso ang 25 ka mga dumuloong sa paglapas sa mga probisyon sang RA 9165 partikular sa paghupot kag pagbaligya sang illegal drugs.

Narecover sa drug bust operations ang suspected shabu, cocaine, ecstasy kag injectable drugs nga ginpaidalum na sa confirmatory test sang PNP crime laboratory kag PDEA.

Magluwas sa paghupot kag pagbaligya sang illegal nga druga, pasakaan man sang kaso nga paglapas sa Anti-Cybercrime Law ang mga foreigners. (JoMaque)