26-anyos nga Misis, Nadakpan sa Akto sang iya Mister nga Nagapakig-sex sa Taxi Driver

Iloilo City — Ginpa-preso sang 31-anyos nga bana ang iya 26-anyos nga asawa matapos ginpahayag nga nadakpan sa akto nga nagapakighilawas sa 40-anyos nga taxi driver sa Brgy. Navais, Mandurriao.

Suno kay alyas JR nga isa ka construction worker, nagbalik siya sa ila balay bangud may ginkuha gani nakita si alyas Lyn upod si alyas Bert nga nagsulod sa wala sang tawo nga balay sang iya bayaw malapit man lang sa ila balay.

Ginsundan ni JR ang duha kag naabtan suno sa iya nga nagapakighilawas.

Gin-ako ni JR nga ginlagas niya sang binangon si Bert pero nakapalagyo ini bangud ginpunggan siya sang iya asawa.

Ginsaysay ni JR nga Enero subong nga tuig sang nag-ako si Lyn nga nakarelasyon sini si Bert sang nakaupod sila sa trabaho sa taxi company.

Pero nagpauli man gihapon si Lyn sa ila balay bangud sa ila kabataan.

Aminado si JR nga nangin masaku man siya sa trabaho para sa mga galastuhan sang iya pamilya.

Ang mag-asawa may apat ka kabataan nga magagmay pa samtang may pamilya man ang taxi driver nga taga-Leganes. (JoMaque)

Archives, Gallery, News, SlideshowGallery

Related posts

Leave a Comment