38-anyos nga Lalaki, ginpa-preso matapos nadakpan nga nagpangawat sang panty sa Mandurriao!

Iloilo City — Natripingan lang sang utility worker sa Airport Mandurriao nga kawaton ang panty sa halayan sang balay malapit sa iya gina-obrahan kagab-i.

Suno kay Joevanie Vallente, 38-anyos, sang Bogo City, Cebu, nahubog siya kagab-i gani nga nagtaklas sa puno sang kahoy malapit sa pader sang balay ni alyas Michael kag nagsulod agud makuha ang mga hinalay.

Ginpabutyag ni Vallente nga isa ka panty, isa ka brief kag isa ka t-shirt ang iya nakuha apang ginbawi na sang tag-iya matapos siya ginpapreso.

Ginpanindugan man ni Vallente nga wala siya sang plano nga ibaligya ang nakuha nga hinalay.

Preso si Vallente sa karsel sang Mandurriao Police Station kag pasakaan sang kaso nga trespassing. (JoMaque)