6 Ka Tuig Nga Bata Ginpahayag Nga Ginhimuslan Sang Iya Tatay

Wala gilayon nanugid ang anum ka tuig nga bata sa ginpahayag pagpanghimulos sa iya sang iya tatay sa kahadlok nga patyon ang iya mga utud kag tiya.  Ini ang base sa report sang Women and Children Protection Desk sa lugar sa diin nagluntad ang insidente.

Base sa imbestigasyon sang polis, tatlo na ka beses nga ginhimuslan sang suspetsado si alyas Joy nga nagatinir sa balay sang iya tiya sa isa ka banwa sa probinsya.

Ginpahayag nga ginapatunog sang suspetsado ang radyo sang ginhimo ang krimen agud indi mabatian ang singgit sang biktima.

Una na ginreport nga ginsugid ni Joy sa iya tiya nga ginhimuslan siya sang iya tatay matapos ginpamanagkot sang tiya kun diin halin ang dugo nga nakita sa iya panapton.

Ginpaidalum na sa medical examination si Joy nga yara subong sa idalum sang paghinakop sang Department of Social Welfare and Development. Ginpahayag nga nagpalagyo naman ang suspetsado pakadto sa Northern Iloilo.

(Aljohn Torreta)

Archives, Gallery, News, SlideshowGallery

Related posts

Leave a Comment