7 ka balay kag botika, nasunog sa Lapuz

Iloilo City–Lima ka balay ang totally damaged, duha ang partially damaged sa sunog sa Rizal, Lapuz Sur kaina sang aga.

Naupos gid ang balay nanday Barangay Kagawad Victor Alona, Wilfredo Gonzales, Noel Villanueva, Josie Anacita kag Purita Peruno. Partially damaged naman ang balay nanday Richard Galanza kag Rudy Egca. Nadalahig man sa sunog ang Ava Kris Pharmacy.

Suno kay City Fire Marshal Jerry Candido, ginatudlo naghalin ang kalayo sa balay sang mga Peruno..

Ginabanta 1.5 ka milyon ka pesos ang kahalitan sang sunog. (AGB)