70-anyos nga babaye patay, 10 ka tuig nga apo sini pilason matapos ginlampusan sa ulo!

Iloilo City–Nagakurog kag nagahilibi-on samtang nagapanugid ang walo ka tuig nga bata nga babaye sa natabu sa iya lola kag magulang nga babaye sa Phase 5, Gran Plains Subdivision, MV Hechanova, Jaro kahapon sang kaagahon.

Suno sa timbang nga si alyas Nene, nakita niya si alyas Iza nga nagadalagan samtang nagapanugid nga dugoon sa sulod sang ila balay ang lola sini nga si Ninfa Suello, 70-anyos kag magulang nga si alyas Kikay, 10 ka tuig. Una nga nakita ni Nene si Kikay nga lipong kag duguon samtang nasapwan naman nga hublas, nagakulob, dugoon kag patay na si Suello sa likod sang balay.

Napatay si Suello bangud sang patal nga pilas sa ulo tuga sang paglampos sang matig-a nga bagay samtang padayon naman nga ginabulong sa ospital si alyas Kikay. Gintudlo naman ni alyas Iza ang iya maninoy nga si Mario Marquez, 29-anyos sang MV Hechanova nga nagsulod sa ila balay kag nagpatay sa iya lola kag naglampos sa iya magulang.

Ginpahayag ni Iza nga nagpatulog-tulog ini agud indi man siya pagsakiton sang suspetsado.Nadakpan si Marquez sa follow-up operation sang mga pulis apang ginpanginwala sini ang akusasyon batuk sa iya. (Aine Grace Bravo)