72 ka mga pasahero padulong sa Cagayan de Oro kag Cebu, na-stranded sa Port of Iloilo

Iloilo City — Tatlo ka adlaw na nga stranded sa Port of Iloilo ang 72 ka pasahero nga pakadto sa Cebu kag Cagayan de Oro.  Ginkanselar ang biyahe sang tanan nga sea vessels halin sa mga puerto sa Iloilo pakadto sa mga lugar nga may storm signal gani nga nastranded ang mga pasahero. Nagpangayo naman sang bulig si Coast Guard Iloilo Station Commander Ramil Palabrica para sa pagkaun sang mga pasahero bangud ang pagkaun lang sa barko ang sakup sang ginbayaran nga tickets. Ginpasalamatan ni Palabrica ang pila ka indibidwal nga gilayon nga nagdul-ong sang panyapon sa passenger terminal sang Port of Iloilo. (JoMaque)