8 Ka Balay Na-upos Samtang 3 Ang Partially-Damaged Sa Sunog Sa Zone 5, Brgy. Conception, City Proper

Iloilo City – Napuhag ang mga residente sa Zone 5, Concepcion, City Proper sang nag-ibwal ang daku nga sunog kagab-e kag naglawig sa kapin sa isa ka oras.

Suno pinaka-ulihi nga report sang Bureau of Fire Protection ukon BFP, 8 ka balay ang totally-damaged samtang 3 ang partially-damaged.

Ang totally-damaged nga mga balay ang ginapanag-iyahan nanday Jualina Diel sa diin ginapatihan nag-umpisa ang kalayo, Josefina Gabito, Kenneth Diel, Nenita Balajedia, Rudy David, Lea Clarence, Dhalia Dailisan kag William Lozada.

Partially-damaged naman ang balay nanday Wilfredo Gaceta, Francis Tullo kag Nancy Sobremesana.

Nagpasalamat namanĀ  si Punong Barangay Madonna Martin nga wala sang casualty sa insidente. Nakapadala naman sang inisyal nga bulig ang City Social Welfare and Development Office ukon CSWDO sa mga nasunugan.

Halos isa ka milyon ( 1 million) pesos ang balor sang kahalitan sang sunog suno sa BFP.

(Aljoh Torreta)

Archives, Gallery, News, SlideshowGallery

Related posts

Leave a Comment