9 ka tuig nga Bata nga ginkandehan sa tiil, handa nga itugyan sang iya pamilya sa DSWD

9 ka tuig nga Bata nga ginkandehan sa tiil, handa nga itugyan sang iya pamilya sa DSWD

Iloilo City — (UPDATE) Handa ang pamilya sang 9 ka tuig nga bata nga ginkadenahan sa tiil nga itugyan ini sa Department of Social Welfare and Development (DSWD).

Nnaga-ampo ang 58 anyos nga si lola Imang nga indi na gid nila maagwantahan ang kalagawan kag kakalam sang kamot sang bata.

bata nga ginkandenahan
Photo by Aksyon May Ortega

Kahapon ginsapupo sang mga barangay officials sang Democracia Jaro si alyas Toto matapos nagpalagyo sa ila balay sa Tabuc Suba Jaro.

Ginkakibot sang mga ini kun ngaa may kadena ang bata kabangdanan ginpapangita ang pamilya sini.

Ginpa-athag sang lola nga ginkadenahan nila ang bata bangud tuman ini ka lagawan.

Gin-athag sang 58 anyos nga lolaga wala niya ginasakit ang apo nga iya ginkadenahan sa tiil.

Suno kay lola Imang, napilitan lang siya nga butangan sang kadena sa tiil ang 9 ka tuig nga apo nga lalaki para indi ini makahalin sa balay kag makalagaw.

Ginpa-athag ni Imang nga kinahanglan niya magpahuway bangud pila ka gab-I na siya nga wala nakatulog sa pagbantay sa iya bata nga iloy ni alyas Toto sa ospital bangud nabutang sa delikado ang ginabusong sini.

Pero nagakabalaka ang lola nga malagaw na naman ang iya apo kun matulugan siya kabangdanan iya ginbutangan sang kadena sa tiil. (JoMaque)

 

Archives, Gallery, News

Related posts

Leave a Comment