Alimodian Mayor Geefre “Calay” Alonsabe, Pabor nga Ipa-idalum sa Election Watchlist Area ang Banwa

Alimodian, Iloilo–Pabor si Mayor Geefre “Calay” Alonsabe nga ideklarar nga election watchlist area ang banwa bangud sang ginreport nga sunod-sunod nga insidente sang ginpahayag pagpang-harass sa iya grupo.

Luyag sang alkalde nga matutukan ang peace and order situation sang Alimodian kag mabantayan ang seguridad sang mga pumuluyo ilabe na sa tion sang eleksyon. Gin-athag ni Alonsabe nga wala niya gina-sensationalize ang isyu kundi luyag niya mapalab-ot ini sa atensyon sa Armed Forces of the Philippines kag PNP agud ma-verify ang mga insidente nga ginpa-blotter sang iya mga supporters.

Ginkalipay ni Alonsabe nga gin-intensify ni IPPO Director PSSUPT Roderick Augustus Alba kag sang Comelec Provincial Office ang mga checkpoints sa banwa kag pag-imbestigar sa natabu sa iya grupo. (Aine Grace Bravo)