Alyansa sa tunga sang Liberal Party kag ni former 4th District Cong. Ferj Biron para sa 2016 elections, nahuman na!

Iloilo City — Nahuman na ang pagpakig-alyansa ni anay 4th District Congressman Ferj Biron sa Aquino Administration.

Suno kay Governor Arthur Defensor, nahisugtan nila nga suportahan sang Abyan Ilonggo Party-list ni Biron ang kandidato sang Liberal Party halin Presidente, Bise Presidente, Gobernador, Bise Gobernador kag Provincial Board Members.

Indi naman pagsuportahan ni Biron ang kandidato sang LP sa pagka-Mayor, Vice Mayor kag Sangguniang Bayan Members bangud may ginaduso man siya nga kandidato sa Quarto Distrito.

Samtang, wala pagihapon nadesisyunan kon sin-o ang mangin running mate ni Defensor sa 2016 elections.

Magadepende sa mataas nga pamunuan sang LP suno kay Defensor kon sin-o ang pili-on nga kandidato sang partido agud mangin katandem niya bangud sila man ang nagapirma sang Certificate of Nomination adn Acceptance (CONA).  (JoMaque)