Anomaliya sa LTO, natukiban; Tinta nga Ginagamit sa Pagsulat sa TOP, natukiban nga Nagakapanas kun Iga-ang sa Kalayo

Iloilo City — May natukiban nga anomaliya sa practice sa Land Transportation Office 6.

Kasunod ini sang report sang law enforcement unit nga nagagamit sang special ballpen ang regional law enforcement team sang LTO 6.

Gin-ako ni Atty. Gaudioso Geduspan, legal officer sang LTO 6 kag chairman sang  Regional Anti-Fixers team, ang pagamit sang special ballpen nga may espesyal nga tinta.

Ginpa-athag ni Geduspan nga naga-evaporate ang ink nga nasulat kon igaang ang papel nga ginsulatan sa lighter.

Natukiban ini suno kay Geduspan sang gin-check nila ang mga temporary operator’s permit ukon TOP nga ginahatag sa mga traffic violators.

Padayon suno sa iya ang ila pagpangusisa sa isyu nga ginapatihan nagsugod sang 2013 base sa na-trace sa mga dokumento.

Kon magamit sang special ballpen suno kay geduspan, posible gid nga ma-ilisan ang nasulat sa TOP sang mga violators. (JoMaque)

 

*(Photo (c) from the web)

Archives, Gallery, News, SlideshowGallery

Related posts

Leave a Comment