Asawa ni Barangay Kagawad Jingjing Espinosa sang Monica-Blumentritt, City Proper, Nagwangal nga Planted ang Na-recover nga Suspected Shabu sa Pag-Search sang RAIDSOG sa Ila Balay!

Iloilo City–Ginreklamo ni Punong Barangay Keith ‘Dabing’ Espinosa nga planted ang mga narecover nga suspected shabu sa ila balay kasunod sang pag-search sang mga katapo sang Regional Anti-Illegal Drugs Special Operations Task Group ukon RAIDSOG kahapon.

Suno sa kapitan, nakita niya nga ginkuha sang RAIDSOG operative ang itom nga pouch sa kuwarto kag ginbutangan sang sachets sang ginadudahan illegal nga druga.  Narecover ang illegal drugs sa isa sa mga kuwarto sa ground floor nga ginatabunan sang sang daku nga poster.

Ginpanghiwala man ni Kapitan Espinosa nga ang bana niya nga si Barangay Kagawad Jesus ‘Jingjing’ Espinosa ang naganag-iya sang narecover nga 45-kalibre nga pusil.

Narecover sa apat ka panalgan nga balay ni Kag. Espinosa ang caliber .45 pistol kag tatlo ka magazines nga ginapanag-iyahan sang konsehal. Ginkumpirmar ni PSUPT Ramir Gallardo sang RAIDSOG nga ginapanag-iyahan sang kagawad ang pusil apang nag-expire na ang lisensya sini sang 2009.

Nakuha man ang 9mm pistol nga may duha ka magazines nga ginapanag-iyahan sang utod sang kagawad nga si Atty. Jelly Espinosa. Gin-athag ni Gnga naka-apply sang license to own and possess firearm ukon LTOPF sa Campo Crame si Atty. Espinosa para sa pusil sang 2015 kag padayon sini nga gina-proseso.

Lakip man sa recoveries ang pito ka plastic sachets sang suspected shabu nga ginbanta nagabalor sang P10, 000; P23, 550 pesos nga balor sang paper bills kag pila ka plastic sang mga sinsilyo nga wala pa na-isip. (AGB)