Bag-o nga drug enforcement units, tukuron sang IPPO kag ICPO sa ila pagbalik sa anti-illegal drug operations

Iloilo–Magatukod sang bag-o nga team si Iloilo Police Provincial Office Director PSSUPT Marlon Tayaba nga maga-conduct sang aggressive operations batuk sa illegal drugs.

Kasunod ini sang announcement sang Malakanyang nga ibalik sa active status ang giyera kontra druga sang Philippine National Police. Ginpahayag ni Tayaba nga iga-screen ang mga pulis nga i-assign bilang anti-drug operatives antes i-deploy sa nagkalain-lain nga distrito sa probinsya. Ang mga pulis naman nga miembro sadtu sang drug enforcement units ang iga-screen man kag i-valuate ang ila qualifications agud mahibaluan kon puwede nga mangin kabahin sang bag-o nga team.

Hatagan man sang prayoridad sang Iloilo City Police Office ang pagpili sang mga miembro sang DEUs. Suno kay ICPO Director PSSUPT Henry Biñas, may training na ang DEU para sa kampanya. Kinahanglan lang suno sa iya nga i-evaluate kag i-assess liwat ang qualifications sang mga miembro kag ipaidalum sa retraining kon kinahanglan.

Gin-athag ni Biñas nga dapat matinlo kag may integridad ang mga pulis nga i-assign sa DEU bilang kabahin sang internal cleansing sang PNP. Nagpasalig naman si Biñas nga mangin transparent ang kapulisan sa pag-conduct sang anti-drug operations. (AGB)

Archives, News, SlideshowGallery

Related posts

Leave a Comment