Bag-o nga firetruck halin sa DILG, nabaton na sang Pavia

Pavia, Iloilo — Nabaton na sang local government unit sang Pavia ang bag-o nga firetruck nga ginturn over sang Department of Interior and Local Government (DILG).

Ginkonfirmar ini ni Pavia Mayor Mike Gorriceta.

Nalakip ang pavia sa lima ka LGUs nga ginhatagan sang DILG sa bulig ni Secretary Mel Senen Sarmiento sang bag-o nga firetruck.

Nag-abot subong nga aga ang mga fire personnel sang banwa sakay sa bag-o nga firetruck.

Sa flag raising ceremony naman buwas sa aga (Pebrero 22), himuon ang formal turnover sa 1 thousand-gallon capacity nga firetruck.

Masobra man suno kay Mayor gorriceta sa 25 ka tuig antes nakabaton liwat sang bag-o nga firetruck ang banwa.

Magluwas sa Pavia, nakabaton man sang bag-o nga firetrucks ang Badiangan, Dueñas, San Rafael kag San Enrique. (JoMaque)