Balay sang Duha ka PDEA 6-identified Drug Group Leaders sa Syudad, gin-subject sa Oplan Tokhang sang ICPO

Iloilo City — Gin-subject sa Oplan Tokhang ni ICPO Director Remus Zacharias Canieso ang mga balay sang duha ka PDEA 6-identified drug group leaders sa syudad nga sanday Melvin Odicta alyas Boyet sa Tanza Esperanza kag Richard Prevendido sa Bakhaw Mandurriao.

Una nga ginkadtuan ni Canieso ang balay ni Odicta kag ginhingyo nga i-surrender ang lisensyado niya nga mga pusil.

Apang nagrason si Odicta nga naturn over na niya ang tanan nga pusil sa pulis.

Iga-double check naman ni Canieso ang records agud ma-verify kag ma-validate kun bala nagasugid sang matuod si Odicta.

Gin-athag ni Canieso nga direktiba sang mataas nga pamunuan sang PNP ang pag-tokhang kay Odicta kag Prevendido.

Abandonado naman ang balay ni Richard Prevendido sang ginkadtuan ni Canieso sa Bakhaw.

Nagakahulugan ini suno sa iya nga wala na sa barangay si Prevendido.

Ginpangabay na lang ni Canieso ang utod ni Prevendido nga hambalon ini nga i-surrender ang iya mga pusil. (JoMaque)

Archives, Gallery, News, SlideshowGallery

Related posts

Leave a Comment