Bana sa Cabatuan, ginlabu sang iya asawa!

Cabatuan, Iloilo–Napilasan sa wala nga parte sang dughan ang 29-anyos nga bana nga ginlabu sang iya asawa sa Barangay Inaca kaina sang kaagahon.

Ginkilala ang biktima kay alyas Romy nga padayon nga ginabulong sa Western Visayas Medical Center. Ginpahayag nga gin-apas sang asawa ang iya bana nga nagahampang sang tong-its.

Pag-abot sa ila balay, nagba-isay ang mag-asawa tubtob nga ginlabu sang misis ang iya mister. Nagpatunga pa ang amay sang biktima pero ginlampusan man ini sang suspek nga asawa. (Aine Grace Bravo)