Bangkay, nasapwan sa kilid sang dalan sa Oton!

Bangkay, nasapwan sa kilid sang dalan sa Oton!
11823754_10206052929734784_1462749752_n
Photo by: Aksyon Kano Tongcua

Oton, Iloilo — Ginapatihan nga ginbilin lang sa Pulo Maestra Vita, Oton ang bangkay sang lalaki nga ginabanta naga-edad sang 30-anyos nga nasapwan kaina sang aga.

Ginbanta ni Chief Inspector Hilarion Roga sang Scene of the Crime Operatives (SOCO) nga mga 10 ka oras na nga napatay ang lalaki antes ginbilin sa nasambit nga barangay.

Suno kay Roga,, may pilas sang pagkatiro sa ulo, leog kag dughan ang lalaki gamit ang ginapatihan 9mm pistol.

Puno sang pika ang lawas sang lalaki pareho sang naga-diwal nga demonyo sa iya likod, pangalan sang ‘tupas, alter kag billiones’ kag man-og sa magtimbang nga batiis.

Nakasoksok sang 6-pocket shorts ang lalaki, maputi, maniwang kag semi-kalbo ang buhok.

Nakit-an sang biker nga si Romeo Jamerlan ang lalaki nga ginaputos sang sako kag car cover ang lawas. (JoMaque)

Archives, Gallery, News, SlideshowGallery

Related posts

Leave a Comment