Bangkay sang 3 ka tuig nga bata nga lalaki nga isa sa mga missing sa nagkulob nga MB Tawash, nakita na!

Bangkay sang 3 ka tuig nga bata nga lalaki nga isa sa mga missing sa nagkulob nga MB Tawash, nakita na!
Ang nagkulob nga MB Tawash (photo by Coast Guard-Iloilo)
Ang nagkulob nga MB Tawash (photo by Coast Guard-Iloilo)

Guimaras — (UPDATE) Nakita na ang bangkay sang tatlo ka tuig nga bata nga lalaki nga isa sa mga missing sang nagkulob ang MB Tawash sa Iloilo Strait sang Domingo.

Ginkonfirmar sang iya himata nga si Ruth Alacre nga bangkay ni CJ Gamotia ang nakita sa Barangay Sawang, Buenavista, Guimaras kaina sang aga.

Suno kay Sawang Punong Barangay Johnny Samas, nakita ni Tanod Roger Camarista ang bangkay samtang nagapangisda pasado alas-6 kaina sang aga.

Nagapabilin nga missing ang iloy ni CJ nga si ShyneMatta, 30-anyos sang Sinapsapan Jordan, Guimaras.

Bangud sa pagkakita sa bangkay ni CJ, nagsaka na sa 8 ang casualties sa trahedya samtang 32 ang nakaluwas, duha diri padayon nga ginabulong sa ospital sa syudad. (JoMaque)

Archives, Gallery, News

Related posts

Leave a Comment