Bangud sa Facebook post, duha ka grupo sang pamatan-on nag-rumble sa Mandurriao

Iloilo City — Nagrambol ang duha ka grupo sang mga pamatan-on sa plaza Mandurriao kahapon sang hapon. Suno sa pulis, suya-ay ang gintunaan sang komosyon. Ginpahayag una ginsuya-an sa Facebook sang 15-anyos nga si alyas Novel ang girlfriend sang paka-isa sang duha sa tatlo ka lalaki nga nakontra nila. Sang ginsaway naman sang 14-anyos nga si alyas Coy-Coy si Novel, wala siya namati tubtob nga nagkitanay sila sa plaza Mandurriao upod ang iban pa. Liwat naman nga nagsu-ay natuhoy sa ila Facebook posts ang magtimbang nga grupo tubtob nga nagluntad ang komosyon. Arestado sanday France Constantino, 18-anyos kag Francis John Divinagracia, 18-anyos sang Hibao-an, Pavia nga mga upod ni alyas Coy-coy kag sanday Jesus Belandres, 20-anyos kag Ryujim Montero, 19-anyos sang Oñate De Leon, Mandurriao nga mga upod naman ni Novel. Wala ginkustodiya sang Mandurriao pulis sanday Novel kag Coy-Coy. (JoMaque)