Bangud sa pagpangimon, construction worker sa Carles gin-utdan sang kinatawo sang iya misis
Carles, Iloilo — Gin-utdan sang kinatawo sang iya asawa ang construction worker sa Barosbos, Carles kagab-i. Nagahabil-habil ang panit sang kinatawo ni alyas Mark, 33 anyos nga padayon nga ginabulong sa Western Visayas Medical Center. At large naman ang asawa nga si alyas Liezel.
Suno kay PO2 Alexis Bataga sang Carles Police Station, nag-inom kagab-i si Mark sa balay sang iya abyan nga si Fedelito. Gin-apas ini sang iya asawa samtang nga nagakatulog siya sa sulod sang balay ni Fedelito.
Nabatian na lang ni Fedelito nga nagsinggit si Mark kag naguwa nga dugoon na ang iya atubangan gintawgan niya sang ambulansya. Ginpahayag nga nagapangimon si alyas Liezel kag ini ang isa sa mga ginasunod nga motibo sa krimen. (JoMaque)