Barangay Tanod sa Lambunao, gintiro Patay

Lambunao, Iloilo — Wala na natabangan pa ang barangay tanod sang Madarag, Lambunao matapos gintiro sang iya kasilingan kaina sang aga.

Ginkilala ang napatay kay Gerardo Lavilla, 47 anyos, sang amo man nga lugar kag suspek sa pagpangluthang si Isidro Inicial, 89 anyos.

Suno kay Police Senior Inspector Felix Alianza Jr, hepe sang Lambunao Police Station, ginpalapitan sang suspek ang biktima sa guwa sang ila balay kag gintiro gamit ang shotgun.

Napilasan ang biktima sa tuo nga kilid sang lawas nga naglapus sa wala nga parte sang likod.

Nag-ugat ang pagpangluthang sa pagpati sang suspetsado nga ang biktima ang nagahaboy sa ila balay kun gab-i.

Apang sa pagpangusisa sang kapulisan, ginpahayag nga posible bunga sang mga kahoy nga nakapalibot sa balay sang suspect nga nagakahulog kag nagatupa sa iya atop ang mabatian sini nga lagpok kun gab-i. (JoMaque)

Archives, Gallery, News, SlideshowGallery

Related posts

Leave a Comment