Bata sang bise alkalde sa Concepcion, dakop sa buybust operation!

Bata sang bise alkalde sa Concepcion, dakop sa buybust operation!

Concepcion, Iloilo — Nadakpan ang bata sang bise alkalde nga nagahupot kag nagabaligya sang illegal nga druga sa buybust operation sang Concepcion Police kaina sang kaagahon.police-report

Suno kay Senior Inspection Jonathan Pinuela, hepe sang Concepcion PNP, nakuha sa bata ni Vice Mayor Elizabeth “Betsy” Salcedo nga si Sibulon Pike Salcedo, 46 anyos sang DB Oñate St., Poblacion, Concepcion, ang duha ka sachet sang suspected shabu, P500 nga marked money kag mga drug paraphernalia.

Masobra sa duha ka bulan nga gin-surveillance si Salcedo bangud ini ang Number 1 target drug personality sang Concepcion PNP.

Gin-ako man ni Salcedo nga nagakuha ini sang supply sa Sara.

Preso na sa karsel sang Concepcion Police Station si Salcedo kag natalana kasuhan sa tion nga mag-positibo sa laboratory test ang nakuha sa iya nga illegal drugs.  (JoMaque)

Archives, Gallery, News

Related posts

Leave a Comment