Biyahe sang Fastcraft kag Ro-Ro Vessels pa-Iloilo-Bacolod and vice versa, balik na sa normal apang biyahe sang mga pumpboat pa-Iloilo-Guimaras, gin-regulate sang Coast Guard

Iloilo City — (UPDATE) Balik sa pagbiyahe ang fastcraft kag ro-ro vessels halin Iloilo-Bacolod and vice versa.

Kasunod ini sang pagdula sang suspension sang biyahe sa fastcraft kag roro vessels suno kay Lieutenant Jomark Angue, Coast Guard Iloilo Station Commander, alas 12 kaina sang udto.

Regulated naman suno sa iya ang biyahe sang pumpboat halin Iloilo-Guimaras and vice versa sa diin halin sunrise to sunset lang samtang 50 porsiento lang sang mga pasahero ang ginatugutan nga makasakay.

Suspendido naman suno kay Angue ang biyahe sang mga barko padulong sa Manila, Batangas kag Mindoro bangud sang malain nga panahon sa nasambit nga mga lugar dala sang Bagyo Nona. (JoMaque)