Black Friday Protest sa DSWD 6

Iloilo City–Naghimo sang Black Friday Protest ang mga empleyado sang Department of Social Welfare and Development ukon DSWD 6 bilang pagpakita sang pagkasubo sa pagbasura sang Commission on Appointments sa appointment ni anay DSWD Secretary Judy Taguiwalo.

Suno kay Mr. Leo Quintilla, presidente sang DSWD Social Welfare Employees Association of the Philippines kag Chief Admin Officer sang DSWD 6, indi transparent kag indi ma-athag para sa ila ang nangin talaksan sang CA kag pag-reject kay Taguiwalo.

Naghiwat sang programa sa gate sang DSWD office kag may candle lighting activity man ang mga empleyado samtang nakasuksok sang itom nga t-shirt kag arm bands. Madamo suno sa iya sang pagbag-o nga gindala si Taguiwalo sa ahensiya. Naga-reflect suno sa iya ang mga empleyado sa ginhambal ni Taguiwalo nga wala sang forever sa posisyon pero may forever sa pagserbisyo sa publiko.//

Katuyuan sang aktibidad sang DSWD employees ang paghatag sang motivation sa mga empleyado bisan pa nga nadulaan sila sang maayo nga leader. (AGB)