Buhi nga Lapsag, nasapwan nga nasulod sa labador sa Cubay, Jaro!

Iloilo City — Buhi pa sang nasapwan ang lapsag nga lalaki nga nasulod sa labador sa Sitio Little Janiuay, Barangay Cubay, Jaro kaina sang kaagahon.

Nasapwan ni Bienvinido Obligar, 40-anyos nga manugbaligya sang taho, ang lapsag sang nagkadto sa bomba agud magsag-ub pasado alas-3 sang kaagahon.

Nagakaya ang lapsag sa labador nga may tubig kag ginapatihan nga na-ulanan. Ginapatihan nga bag-o bun-ag ang lapsag bangud nakatabid pa sa iya ang iya pusod kag may yara pa sang inunlan.

12042281_10204895596657229_354319760_n
Si Mr. Bienvinido Obligar

Gindala sa West Visayas State University Medical Center WVSUMC ang lapsag agud nga macheck-up.

Plano ni Obligar nga adoptaron ang lapsag bangud wala sila sang bata sang iya asawa sa 15 ka tuig nila nga pag-upod. (JoMaque) 

Archives, Gallery, News, SlideshowGallery

Related posts

Leave a Comment