Cash incentives para sa mga gold medalists sa Palarong Pambansa 2017 nga taga-Quinto Distrito
Iloilo City — Mahatag sang cash incentive si5th District Congressman Raul Tupas sa mga gold medalists sa Palarong Pambansa 2017 nga taga-Quinto Distrito sang Iloilo.
Paagi ini Suno kay Tupas agud kilalahon niya ang contribution sang mga atleta agud mapasanyog ang sports kag paghatag sang kadungganan sa 5th district. Magluwas sa cash incentive kag mga plaque kag certification, libre man suno kay Tupas ang tuition fees sang nagdaug nga mga atleta sa Northern Iloilo Polytechnic State College ukon NIPSC.
Sa listahan nga nakuha sang kongresita, lakip sa nakakuha sang medalya halin sa Quinto distrito si Jamez lozañez sang Carles pero naga-eskwela sa Estancia National High School. Nakuha sini ang gold medal kag bag-o nga Palaro record sa javelin throw secondary boys samtang naga-eskwela sa Carlos Lopez National High School sa San Dionisio ang silver medalist nga si Ronald Lacson. Gold medal ang nakuha ni Malou Davasol sang Naburot Elementary School sa Carles sa javelin throw elementary girls. Si Mary Rose Leones sang Tupas Elementary School sa Carles ang nakadaug sang gold medal sa high jump elementary girls; si Sharlanne Gonzales sang Balasan Central Elementary School ang gold medalist sa long jump elementary girls; kag si Edna Magtubo sang Barosbos Elementary School sa Carles ang may may duha ka gold medals sa 1,500-meter run kag 400-meter run. Silver medalist si Rhealyn Decosta sang Saling Elementary School sa Balasan sa shot put elementary girls kag may bronze medalist pa gid halin sa Barosbos Elementary school sa 100-meter hurdles.(JoMaque)