PCI Aldren Lamera, ginpasakaan sang kaso administratibo sa NAPOLCOM 6

Iloilo City -Ginpasakaan sang kaso administratibo sa National Police Commission 6 si Chief Inspector Aldren Lamera, hepe sang Police Station 1.

Suno kay NAPOLCOM 6 Spokesman kag Investigator Allen Camiring, kaso nga grave misconduct, conduct unbecoming of a police officer kag oppression ang ginfile ni non-uniformed personnel May Flor Fernandez.

Base sa reklamo, naakig si Lamera sang wala nakita ang mga NUP’s sa ginconduct niya nga conference kag ginmanduan ang iya tinawo nga wasayon ang pwertahan sang Crime Registrar Office sa diin nagaduty ang mga non-uniformed personnel.

Ginkonfirmar ni Camiring nga may 32 man ka pulis nga nagpirma sang petition nga pailisan si Lamera bangud nagapaninggit, naga-abuso sang poder kag nagaguba sang propedad sang gobyerno gani ginakulbaan na sila.

Nakibot naman si Lamera nga naglab-ut pa sa NAPOLCOM ang reklamo bangud naresolbar na ang isyu sang nagligad nga bulan. Ginpanindugan ni Lamera nga salabton nila nga mga commander kon indi madisiplina ang ila mga tinawo.

Suno kay Lamera, natural nga maakig siya bangud may mga pasaway gid nga masami late kag absent.  Suno pa kay Lamera, posible indi gusto sang mga nagareklamo nga akigan kag luyag lang nila pabay-an nga galaday-laday lang kag naga-facebook.

(Aljohn Torreta)

Archives, Gallery, News, SlideshowGallery

Related posts

Leave a Comment