Chief of staff ni Councilor Plaridel Nava, nagtawag nga kabutigan ang mga affidavit sa gin-file nga kaso kontra sa ila ni Councilor Plaridel Nava sa diin nabutang nga nagapamorsyento sila sa mga drivers nga nadakpan bangud sa paglapas sa traffic rules

Iloilo City–Gintawag ni Paul Sabio, chief-of-staff ni Councilor Plaridel Nava nga kabutigan ang mga impormasyon nga nabutang sa affidavit sang mga testigo sa gin-file nga kaso ni Mayor Jed Patrick Mabilog batuk sa iya, kay Nava kag kay ICLAJODA President Boyet Parcon.

May kaangtanan ini sa akusasyon nga naga-pamorsyento sila sa mga nadakpan nga drivers nga naglapas sa traffic rules kabaylo sang pag-release sang ila driver’s license. Ginpahayag nga sa baylo, magkadtu sa City Treasurer’s Office ang ibayad nga multa sang mga madakpan nga drivers, nagakadtu sa ila nga bulsa.

Pa-athag ni Sabio, gina-updan niya lang ang sa TMTRO ang driver nga nagareklamo sa pagdakup sa iya sang traffic aide. Gin-athag sini nga kon nagareklamo ang mga driver sa sala nga pagdakop sa ila, ginapatawag ini ni Nava lakip na ang traffic aide para sa hearing nga ginatambungan man ni TMTRO OIC Donna Acap. Kon mahibaluan suno sa iya sang konsehal nga may kapaltahan ang traffic aide, ginapirmahan sini ang Temporary Operator’s Permit (TOP) kag ginahingyo si Acap nga i-release ang driver’s license nga wala sang multa. (Aine Grace Bravo)