City Agriculturist Romulo Pangantihon, handa magkooperar sa imbestigasyon sang konseho angut sa ginpahayag anomaliya nga pagpanagtag sang manok sa 4Ps beneficiaries

Iloilo City — Handa nga magkooperar ang City Agriculture’s Office kun maghiwat sang imbestigasyon ang city council sa ginpahayag anomaliya sa pagpanagtag sang manok sa mga benipisaryo sang Pantawid Pamilyang Pilipino Program ukon 4Ps sang syudad. Suno kay City Agriculturist Romulo Pangantihon, wala man sila sang dapat itago angut sa programa. Maayo suno sa iya nga maimbestigaran agud maklaruhan ang isyu. Una na ginpabutyag ni Councilor Ely Estante nga plano niya mag-deliver sang privilege speech agud iduso ang resolution nga imbestigaran ang pagpanagtag sang mga bisaya nga manok bangud sa presyo sang kada pisu kag wala na-comply ang terms of reference sa kontrata. (JoMaque)