City Council Nagpasar Sang Resolution Sa Pagpamatok Sang Renewal Sang Prangkisa Sang PECO

Iloilo City Nagpasar na ang city council sang resolution nga nagapamatok sa pagrenew sang prangkisa sang Panay Electric Company ukon PECO.

Matapos ang mainit ang deliberation sang amu nga resolution sa session kaina sang aga, ginsuportahan sang 12 ka konsehal ang lihok samtang nag-abtain naman si councilor Ed Peñaredondo.

Nag-apelar man ang city council nga national government anay ang matake over sa electic distribution utility sa syudad tubtob nga may qualified na nga electric company nga maka-operate kon indi marenew ang prangkisa sang PECO sa house committe on legislative franchises.

Natalana ipadala ang ang kopya sang resolution sa amu nga komitiba kag kanday presidential spokesperson harry roque, house speaker pantaleon alvarez kag congressman Carlos Isagani Zarate sang Bayan Muna Party.

Natalana sa Nobyembre 22 ang hearing sa kongreso natuhoy sa pagrenew sang prangkisa sang PECO.

Nagpangayo naman sang paathag ang city council bangud makapila ka beses nga nagbrown out kaina sa city hall samtang nagapadayon ang session. Suno kay councilor Joshua Alim, wala sang prior advisory ang PECO natuhoy sa amu nga pagblack-out.

(ATT)

Archives, Gallery, News, SlideshowGallery

Related posts

Leave a Comment