City Fire Marshal Supt. Jerry Candido, nagpanugyan sa publiko nga hatagan pagtamod ang pag-ilis sang electrical installations sa mga balay agud makalikaw sa disgrasya

City Fire Marshal Supt.  Jerry Candido, nagpanugyan sa publiko nga hatagan pagtamod ang pag-ilis sang electrical installations sa mga balay agud makalikaw sa disgrasya

BFPIloilo City — Tiun na agud hatagan pagtamod ang pag-ilis sang electrical installations sa mga balay agud makalikaw sa disgrasya.

Panugyan ini ni City Fire Marshal Fire Supt. Jerry Candido matapos naguwa sa ila imbestigasyon nga short circuit ang ginhalinan sang sunog nga naglamon sang 60 ka mga balay sa Zone 1-B San Juan Molo kahapon.

Mahal suno kay Candido ang pagpatakud sang indi substandard nga electrical installations gani dapat nga suptan.

Ginsulit ni Candido nga mas importante ang kabuhi sang tawo kag kanugon man sang napundar nga kagamitan kon maubos sa sunog nga tuga sang short circuit bangud substandard ang linya.

Pa-athag ni Candido, indi makasarang sa electical load ang naandan na sang iban nga pagamit sang telephone wire bangud para lang ini sa telepono gani madasig nga mag-init kag malunay nga nagaresulta sa sunog.

Ginpanugyan man ni Candido ang pagpatakud sang mga linya sang kuryente sa experto agud malikawan ang loose connection.

Mas maayo pa gid kon may regular nga pagpa-check sa electrical line. (JoMaque)

Archives, Gallery, News

Related posts

Leave a Comment