City Government, Nagpain sang masobra P176 milyon para sa Relocation Sites

Iloilo City – Naglab-ot sa masobra 176 milyunes pesos ang ginpain nga pondo sang city government para sa mga relocation sites sa syudad.

Base sa record sang Iloilo City Urban Poor Affairs Odffice ukon ICUPAO, sa 7 mil 864 ka mga pumuluyo nga gin-awardan sang home lot, ginpahayag nga 12 mil pa ang back logs ukon wala nahatagan sang proyekto sang ICUPAO.

Ginpabutyag ni Rosalie Tipanan sang Fajardo, Jaro nga halos apat ka tuig na siya nga nag-apply sa ICUPAO apang wala gihapon ma-awardan sang home lot tubtob subong.

Una na nga ginreport nga ginrekomenda sang Ombudsman nga pasakaan sang kasu si ICUPAO head Wilfredo Jurilla kag anay site coordinator Nelia Secusana may kaangtanan sa pag-award nila sang home lot sa anay spokesperson ni Mayor Jed Patrick Mabilog nga si Jeffrey Celiz kag sa duha sini ka himata.

(Aljohn Torreta)