City Government, natalana makigsapol sa Iloilo Bike Council sa masunod nga semana may kaangtanan sa pagbutang sang bike lane sa pila ka dalanon sa syudad

Iloilo City — Mapakigsapol sa masunod nga semana si Councilor Jay Treñas kay Mayor Joe Espinosa kag sa Iloilo Bike Council agud istoryahan ang pagbutang sang bike lane sa Mabini, Infante kag Delgado sa City Proper. Suno sa iya, partikular nga istoryahan kun paano mapatuman ang proyekto para sa kaayuhan sang mga pumuluyo kag kaluwasan sang mga siklista sa paggamit sang bike lane.  Luyag man niya ipaathag sa mga stakeholders ang katuyuan sang iya pagduso sang proyekto.  Ginpabutyag ni treñas nga may listahan sang mga concerns ang bicycle groups nga luyag ipalab-ot sa DPWH nga puwede ma-apply sa pagbutang sang bike lane.  Ikonsiderar man ni Treñas ang reklamo sang transport sector nga makapagutok lang sa trapiko ang proyekto. (JoMaque)