City Mall sa GIFT complex sa Parola area, Operational na

Iloilo City — Operational na ang City Mall sa Guimaras-Iloilo Ferry Terminal Complex sa Parola area.

Ginkonfirmar ini ni Atty. Mark Piad, spokesman ni Mayor Jed Patrick Mabilog, matapos nagsugod ang operasyon sang mall kahapon.

Ginpa-athag ni Piad nga nakakuha sang business permit ang City Mall gani nga naka-operate na.

Naga-dry run naman ang ferry terminal bangud nga wala pa sang franchise suno kay Piad.

Magluwas pa ini sa mga kaso nga ginapangatubang sang GIFT bangud sa isyu sang terminal fee kag pagpasira sang duha ka dulungkaan sang mga pumpboats halin sa Guimaras. (JoMaque)