Customer Care Center sa City Hall, Ginpatukod ni Mayor Jed Patrick Mabilog

Iloilo City–May dalangpan na ang mga may reklamo batuk sa mga nagatrabaho sa City government.

Ginmandu ni Mayor Jed Patrick Mabilog ang pagtukod sang Customer Care Center sa City Hall. Suno kay City Administrator Atty Hernando Galvez, luyag sang alkalde nga may mapalapitan ang mga constituents kon may reklamo sa mahinay nga serbisyo ukon indi maayo nga pamatasan sang mga nagatrabaho sa City government.

Mahimo nga magpadulong sa opisina ni Galvez sa 7th floor sang City Hall. Mapatakud man suno kay Galvez sang telepono sa opisina.

Maga-operate ang opisina sa masunod nga semana. Si Mayor Mabilog ang magapungko nga chairman sang Customer Care Center samtang si Galvez ang magatawo sa opisina. (AGB)