Cong. Jerry Treñas, plano istoryahon si Mayor Jed Patrick Mabilog matapos naghalin sa Liberal Party ang alkalde

Iloilo City–Istoryahan nanday Iloilo City Lone District Congressman Jerry Treñas kag Mayor Jed Patrick Mabilog ang posibilidad nga magsaylo ang alkalde sa PDP-Laban kasunod sang iya pagresign sa Liberal Party.

Gin-ako ni Treñas nga madugay na sila nga wala naka-istoryahanay ni Mabilog. Samtang ginpahayag sang kongresista nga maayo ang desisyon ni Mabilog nga mangin independent sa subong agud makatutok sa anuman nga tikang sa pulitika sa pala-abuton.

Ginsulit ni Treñas nga wala sang posibilidad nga magkontrahanay sila ni Mabilog sa masunod nga eleksyon bangud final na ang iya desisyon nga magretiro sa pulitika.

Si Mabilog ang nagresign sa Liberal Party sang nagligad nga semana. (AGB)