Councilor Jay Treñas, ginsupalpal ni Councilor Plaridel Nava sa regular session sang konseho matapos wala napaathag sang maayo ang ginpresentar nga committee report

Councilor Jay Treñas, ginsupalpal ni Councilor Plaridel Nava sa regular session sang konseho matapos wala napaathag sang maayo ang ginpresentar nga committee report

Iloilo City — Wala nagsinantu ang committee report nga ginpresentar ni Councilor Jay Treñas, chairman sang Committee on Tourism sang city council may kaangtanan sa fiesta activities sa Jaro.Councilor JOSE EFRAIN G. TREÑAS III

Ginkuwestyun ni Councilor Plaridel Nava ang pahayag ni Treñas nga in-order ang ginhiwat nga committee hearing sa ABC conference room sa Jaro plaza sa diin gintalakay ang reklamo sang mga vendors nga ginasukot sila sang tag-P5,000 kada stall kag wala gina-isyuhan sang resibo.

Suno kay Nava, maathag sa parameter sa committee report ni Treñas nga ang pagpasirado lang sang plaza ang ginaduso sini may kaangtanan sa Jaro Agro-Industrial and Charity Fair.

Ginpamilit ni Treñas nga bisan closure sang Jaro plaza ang subject sang committee hearing, natalakay man ang isyu sa mahal nga suktanay sang mga vendors.

Apang ginpabutyag ni Nava nga indi maaprobahan ang committee report kon indi maathag kon ano ang nagapanguna sini nga prayoridad.

Sa ulihi, nagpasugot si Treñas kag nagduso sang ordinansa nga nagahatag sang otoridad sa ABC Jaro district nga mag-manage sa pagpasirado sang Jaro plaza halin Enero 24 tubtub Pebrero 3 para sa Jaro Agro-Industrial and Charity Fair may kaangtanan sa Jaro Fiesta. (JoMaque)

Archives, Gallery, News

Related posts

Leave a Comment