Councilor Plaridel Nava, Ginaduso nga Imbestigaran sang Konseho ang mga Barangay Officials nga Ginapatihan Protector sang Illegal nga Druga

Iloilo City — Nagalaum si Councilor Plaridel Nava nga suportahan sang iya mga kaupod nga konsehal ang tikang nga imbestigaran ang mga barangay officials nga ginapatihan protector sang illegal nga druga.

Mahibaluan suno kay Nava ang sabat snag iya mga kaupod sa konseho sa hiwaton nga sinapol sa masunod nga semana.

Kon basehan ang local government code suno sa konsehal, may otoridad gid ang Sangguniang Panlungsod nga imbestigaran kag hatagan sang sanctions ang barangay official nga mapamatud-an involved sa illegal drugs.

Gin-athag ni Nava nga indi lang si Monica-Blumentritt City Proper punongĀ  barangay Keith “Dabing” Espinosa ang iya ginatumod kundi lakip man sanday punong barangay Remia Prevendido-Gregori kag Desamparados Jaro punong barangay Noemi Hablo.

Suno kay Nava, makapila na ka beses nga nadakpan ang mga himata nanday Gregori kag Hablo nga nagabaligya sang illegal nga druga.

Ang tikang ni Nava kasunod sang mga recoveries sa balay ni Espinosa nga ginalakipan sang mga pusil, mga bala kag shabu sang gin-search sang Regional Anti-illegal Drug Special Operations Task Group (RAIDSOG) sang Oktubre 2. (JoMaque)

Archives, Gallery, News, SlideshowGallery

Related posts

Leave a Comment