Culture-Based Teaching, Ginaduso Sang Principal Sang Caninguan National High School Sa Lambunao Nga Nalakip Sa Top Ten Finalists Sang $1-M Global Teachers Prize

Municipality of Lambunao – Gina-share ni Dr. Jesus Insilada, principal sang Caninguan National High School sa Lambunao ang pagkalakip niya sa Top 10 finalists sang prestehiyoso nga 1 million dollar Global Teacher Prize sang Varkey Foundation sa Dubai, UAE sa pareho niya nga mga manunudlo.

Mabudlay ang pagka-maestro ukon maestra suno kay Insilada apang fulfulling ilabe na kon mag-ayuhan ang ila estudyante.

Ginakabig ni Insilada nga paaman na lang ang mga pagpasidungog sa iya bangud ginahimo niya lang ang iya obligasyon bilang manunudlo.

Ginaduso sini ang culture-based teaching ukon ang pagtudlo sa mga estudyante sang mga leksyon nga pwede nila ma-angut sa ila adlaw-adlaw nga kabuhi. Ginpahayag pa ni Insilada nga nabatyagan niya ang kakinahanglan nga buhion ang kultura sa iya mga leksyon.

Para sa iya, mas mahapos madeterminar sang estudyante ang iya pala-abuton kon kilala niya ang iya kaugalingon.

(ATT)